khema-e-jaan ki tanaabon ko ukhaD jaanaa thaa — Najeeb Ahmad

kis ne vafaa ke naam pe dhokaa diyaa mujhe
kis se kahun ki meraa gunahgaar kaun hai

— Najeeb Ahmad

maut se ziist ki takmil nahin ho sakti
raushni khaak mein tahlil nahin ho sakti

— Najeeb Ahmad

phir yuun huaa ki mujh pe hi divaar gir paDi
lekin na khul sakaa pas-e-divaar kaun hai

— Najeeb Ahmad

ik tiri yaad gale aise paDi hai ki 'najib'
aaj kaa kaam bhi ham kal pe uThaa rakhte hain

— Najeeb Ahmad

aasmaanon se zaminon pe javaab aaegaa
ek din raat Dhale yaum-e-hisaab aaegaa

— Najeeb Ahmad

zamin pe paanv zaraa ehtiyaat se dharnaa
ukhaD gae to qadam phir kahaan sambhalte hain

— Najeeb Ahmad

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi