tanhaai ke lamhaat kaa ehsaas huaa hai — Naseem Shahjahanpuri

sar-e-mahshar agar pursish hui mujh se to kah dungaa
saraapaa jurm huun ashk-e-nadaamat le ke aayaa huun

— Naseem Shahjahanpuri

main ne maanaa aap ne sab kuchh bhulaa Daalaa magar
ghair-mumkin hai kabhi meraa khayaal aataa na ho

— Naseem Shahjahanpuri

vo zulm bhi ab zulm ki had tak nahin karte
aakhir unhein kis baat kaa ehsaas huaa hai

— Naseem Shahjahanpuri

kisi ke ishq mein ye haal-e-zaar rahtaa hai
sukun paa ke bhi dil be-qaraar rahtaa hai

— Naseem Shahjahanpuri

kuchh khud bhi huun main ishq mein afsurda o ghamgin
kuchh talkhi-e-haalaat kaa ehsaas huaa hai

— Naseem Shahjahanpuri

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq