hamein hijrat samajh mein itni aai — Obaidur Rahman

koi dimaagh se koi sharir se haaraa
mein apne haath ki andhi lakir se haaraa

— Obaidur Rahman

mere jazbaat aansuon vaale
sher sab hichkiyon se likhtaa huun

— Obaidur Rahman

bachchon ko ham na ek khilaunaa bhi de sake
gham aur baDh gayaa hai jo tyauhaar aae hain

— Obaidur Rahman

nazar mein duur talak rahguzar zaruri hai
kisi bhi samt ho lekin safar zaruri hai

— Obaidur Rahman

taamir-o-taraqqi vaale hain kahiye bhi to un ko kyaa kahiye
jo shish-mahal mein baiThe hue mazdur ki baatein karte hain

— Obaidur Rahman

aangan aangan khuun ke chhinTe chehra chehra be-chehra
kis kis ghar kaa zikr karun mein kis kis ke sadmaat likhun

— Obaidur Rahman

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

— Zehra Nigaah

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

— Euphonic Amit

kabhi khauf thaa tire hijr kaa kabhi aarzu ke zavaal kaa
rahaa hijr-o-vasl ke darmiyaan tujhe kho sakaa na main paa sakaa

— Ajmal Siddiqui