mas.ala jab bhī charāġhoñ kā uThā — Parveen Shakir

vo na aa.egā hameñ ma.alūm thā is shaam bhī
intizār us kā magar kuchh soch kar karte rahe

justujū kho.e huoñ kī umr bhar karte rahe
chāñd ke hamrāh ham har shab safar karte rahe

ḳhud apne se milne kā to yaarā na thā mujh meñ
maiñ bhiiḌ meñ gum ho ga.ī tanhā.ī ke Dar se

dil ajab shahr ki jis par bhī khulā dar is kā
vo musāfir ise har samt se barbād kare

band kar ke mirī āñkheñ vo sharārat se hañse
būjhe jaane kā maiñ har roz tamāshā dekhūñ

vo to ḳhush-bū hai havāoñ meñ bikhar jā.egā
mas.ala phuul kā hai phuul kidhar jā.egā