band kar ke mirī āñkheñ vo sharārat se hañse — Parveen Shakir

justujū kho.e huoñ kī umr bhar karte rahe
chāñd ke hamrāh ham har shab safar karte rahe

vo na aa.egā hameñ ma.alūm thā is shaam bhī
intizār us kā magar kuchh soch kar karte rahe

ḳhud apne se milne kā to yaarā na thā mujh meñ
maiñ bhiiḌ meñ gum ho ga.ī tanhā.ī ke Dar se

dil ajab shahr ki jis par bhī khulā dar is kā
vo musāfir ise har samt se barbād kare

mas.ala jab bhī charāġhoñ kā uThā
faisla sirf havā kartī hai

vo to ḳhush-bū hai havāoñ meñ bikhar jā.egā
mas.ala phuul kā hai phuul kidhar jā.egā

ranjish hī sahī dil hī dukhāne ke liye aa
aa phir se mujhe chhoḌ ke jaane ke liye aa

yuuñ to qadam qadam pe hai dīvār sāmne
koī na ho to ḳhud se ulajh jaanā chāhiye

hindostāñ meñ dhuum hai kis kī zabān kī
vo kaun hai 'riyāz' ko jo jāntā nahīñ

umr bhar kaun nibhātā hai ta'alluq itnā
ai mirī jaan ke dushman tujhe allāh rakkhe

ishrat-e-qatra hai dariyā meñ fanā ho jaanā
dard kā had se guzarnā hai davā ho jaanā

dil se miTnā tirī añgusht-e-hinā.ī kā ḳhayāl
ho gayā gosht se nāḳhun kā judā ho jaanā