vaqt achchhaa zarur aataa hai — Parvez Sahir

itnaa be-aasraa nahin huun main
aadmi huun khudaa nahin huun main

meri fitrat hi mein shaamil hai mohabbat karnaa
aur fitrat kabhi tabdil nahin ho sakti

puchhaa thaa main ne jab use kyaa mujh se ishq hai?
us ko mire savaal pe hairat nahin hui

'saahir' ye meraa dida-e-giryaan hai aur main
sahraa mein koi dusraa jharnaa to hai nahin

bas ek dhyaan ki main ungli thaam rakhi hai
ki bhiiD mein kahin khud se judaa na ho jaaun