sharaab saaqi-e-kausar se liijo 'aafridi' — Qasim Ali Khan Afridi

shaikh mujh ko na Daraa apni musalmaani thaam
ham faqiron kaa kisi rang se imaan na jaae

— Qasim Ali Khan Afridi

nargisi chashm dikhaa kar ke vo vahshat-zada yaar
ye gayaa vo gayaa jis tarah ghazaal aap se aap

— Qasim Ali Khan Afridi

bas nahin chaltaa hai varna apne mar jaane ke saath
pheink dete khod kar duniyaa ki sab buniyaad ham

— Qasim Ali Khan Afridi

lab-e-shirin se agar ho na teraa lab shirin
kohkan tu bhi to ab daaman-e-kohsaar na chhoD

— Qasim Ali Khan Afridi

yaar kaa kucha hai masjud-e-khalaaiq dekh le
sang hai kaabe mein murat dair mein hai mushtarak

— Qasim Ali Khan Afridi

khudaa ko sajda kar ke mubtazil zaahid huaa ab to
to jaa kar mah-jabin ke aastaan pe jubba-saai kar

— Qasim Ali Khan Afridi

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

mujh tak kab un ki bazm mein aataa thaa daur-e-jaam
saaqi ne kuchh milaa na diyaa ho sharaab mein

— Mirza Ghalib

aae kuchh abr kuchh sharaab aae
is ke baa'd aae jo azaab aae

— Faiz Ahmad Faiz

ham pe guzraa hai vo bhi vaqt 'khumaar'
jab shanaasaa bhi ajnabi se mile

— Khumar Barabankavi