din Dhal gayaa to raat guzarne ki aas mein — Rahat Indori

main aa kar dushmanon mein bas gayaa huun
yahaan hamdard hain do-chaar mere

— Rahat Indori

ik mulaaqaat kaa jaadu ki utartaa hi nahin
tiri khushbu miri chaadar se nahin jaati hai

— Rahat Indori

hamaare piir 'taqi-mir' ne kahaa thaa kabhi
miyaan ye 'aashiqi 'izzat bigaaD deti hai

— Rahat Indori

aankh mein paani rakho honTon pe chingaari rakho
zinda rahnaa hai to tarkibein bahut saari rakho

— Rahat Indori

ye zaruri hai ki aankhon kaa bharam qaaem rahe
niind rakkho yaa na rakkho khvaab meyaari rakho

— Rahat Indori

botalein khol kar to pi barson
aaj dil khol kar bhi pi jaae

— Rahat Indori

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

— Nazeer Akbar Abadi

bahut hasin raat hai magar tum to so rahe ho
nikal ke kamre se ik nazar chaandni to dekho

— Shariq Kaifi

shikva-e-zulmat-e-shab se to kahin behtar thaa
apne hisse ki koi shama jalaate jaate

— Ahmad Faraz