botalein khol kar to pi barson — Rahat Indori

us ki yaad aai hai saanso zaraa aahista chalo
dhaDkanon se bhi ibaadat mein khalal paDtaa hai

dosti jab kisi se ki jaae
dushmanon ki bhi raae li jaae

chaand suraj miri chaukhaT pe kai sadiyon se
roz likkhe hue chehre pe savaal aate hain

main mar jaaun to meri ek alag pahchaan likh denaa
lahu se meri peshaani pe hindustaan likh denaa

ye havaaein uD na jaaein le ke kaaghaz kaa badan
dosto mujh par koi patthar zaraa bhaari rakho

main aa kar dushmanon mein bas gayaa huun
yahaan hamdard hain do-chaar mere

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kar na jurat tu ai tabib ki ye
dil kaa dhaDkaa hai ikhtilaaj nahin

puchh kar kaun dil dukhaataa hai
haadse kab bataa ke hote hain

phir aaj ek ghazal keh ke main mo'attar huun
phir aaj zakhm kiye apne sandali main ne

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi