ab kaise charaagh kyaa charaaghaan — Razi Akhtar Shauq

aap hi aap diye bujhte chale jaate hain
aur aaseb dikhaai bhi nahin detaa hai

mujh ko paanaa hai to phir mujh mein utar kar dekho
yuun kinaare se samundar nahin dekhaa jaataa

ham itne pareshaan the ki haal-e-dil-e-sozaan
un ko bhi sunaayaa ki jo gham-khvaar nahin the

ham ruh-e-safar hain hamein naamon se na pahchaan
kal aur kisi naam se aa jaaeinge ham log

do baadal aapas mein mile the phir aisi barsaat hui
jism ne jism se sargoshi ki ruuh ki ruuh se baat hui