charaagh-e-tur jalaao baDaa andheraa hai — Saghar Siddiqui

ab shahr-e-aarzu mein vo raanaaiyaan kahaan
hain gul-kade niDhaal baDi tez dhuup hai

kal jinhein chhu nahin sakti thi farishton ki nazar
aaj vo raunaq-e-baazaar nazar aate hain

log kahte hain raat biit chuki
mujh ko samjhaao! main sharaabi huun

ye zulf-bar-dosh kaun aayaa ye kis ki aahaT se gul khile hain
mahak rahi hai fazaa-e-hasti tamaam aalam bahaar saa hai

jis ahd mein luT jaae faqiron ki kamaai
us ahd ke sultaan se kuchh bhuul hui hai

teri surat jo ittifaaq se ham
bhuul jaaein to kyaa tamaashaa ho