log kahte hain raat biit chuki — Saghar Siddiqui

ab shahr-e-aarzu mein vo raanaaiyaan kahaan
hain gul-kade niDhaal baDi tez dhuup hai

kal jinhein chhu nahin sakti thi farishton ki nazar
aaj vo raunaq-e-baazaar nazar aate hain

charaagh-e-tur jalaao baDaa andheraa hai
zaraa naqaab uThaao baDaa andheraa hai

ye zulf-bar-dosh kaun aayaa ye kis ki aahaT se gul khile hain
mahak rahi hai fazaa-e-hasti tamaam aalam bahaar saa hai

jis ahd mein luT jaae faqiron ki kamaai
us ahd ke sultaan se kuchh bhuul hui hai

teri surat jo ittifaaq se ham
bhuul jaaein to kyaa tamaashaa ho

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

kal shab-e-vasl mein kyaa jald baji thiin ghaDiyaan
aaj kyaa mar gae ghaDiyaal bajaane vaale

dil ki be-taabi Thaharne nahin deti mujh ko
din kahin raat kahin subh kahin shaam kahin