muddat hui us ko ki miri khalvat-e-shab mein — Sardar Khan Soz

kahne pe mire aao mire paas to baiTho
vo un ke bigaDne ki adaa yaad hai ab tak

— Sardar Khan Soz

shaanon pe mire vasl ki shab khaas adaa se
rahti thi tiri zulf-e-rasaa yaad hai ab tak

— Sardar Khan Soz

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

aao tum hi karo masihaai
ab bahalti nahin hai tanhaai

— Muneer Niyazi

go mujhe ehsaas-e-tanhaai rahaa shiddat ke saath
kaaT di aadhi sadi ek ajnabi aurat ke saath

— Anwar Shuoor

jo dil ne kahi lab pe kahaan aai hai dekho
ab mahfil yaaraan mein bhi tanhaai hai dekho

— Zehra Nigaah

dasht ki naa-tamaam raahon par
koi saathi hai to shajar tanhaa

— Vijay Sharma

jab bhi vo mujh se milaa rone lagaa
aur jab tanhaa huaa rone lagaa

— Zafar Hameedi