jo dil ne kahi lab pe kahaan aai hai dekho — Zehra Nigaah

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

uTho ki jashn-e-khizaan ham manaaein ji bhar ke
bahaar aae gulistaan mein kab khudaa jaane

divaanon ko ab vusat-e-sahraa nahin darkaar
vahshat ke liye saaya-e-divaar bahut hai

koi hangaama sar-e-bazm uThaayaa jaae
kuchh kiyaa jaae charaaghon ko bujhaayaa jaae

dekho vo bhi hain jo sab kah sakte the
dekho un ke munh par taale ab bhi hain

dekhte dekhte ik ghar ke rahne vaale
apne apne khaanon mein baT jaate hain

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

gham hai na ab khushi hai na ummid hai na yaas
sab se najaat paae zamaane guzar gae

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin