mai-khaana-e-hasti mein muflis ki javaani kyaa — Shahab Lakhnavi

naala-e-bulbul se ghunchon ke kaleje phaT gae
gulsitaan vaale samajhte hain ki gul khandaan hue

— Shahab Lakhnavi

saamne mohabbat ke hech hai siyaasat bhi
jab dimaagh thak jaae dil se kaam le ai dost

— Shahab Lakhnavi

kaun ehsaan-e-naa-khudaai le
is se behtar to Duub jaanaa hai

— Shahab Lakhnavi

dayaar-e-ghair mein luTte to koi baat na thi
luTe vatan mein to sadma huaa na jaane kyuun

— Shahab Lakhnavi

aur baDhte to khudaai kaa bhi daave karte
khair guzri ki ye but rah gae but-khaane mein

— Shahab Lakhnavi

karo gunaah-e-mohabbat tamaam umr 'shahaab'
khudaa ki di hui neamat buton ke kaam aae

— Shahab Lakhnavi

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

ishq phir ishq hai aashufta-sari maange hai
hosh ke daur mein bhi jaama-dari maange hai

— Unwan Chishti

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein

— Mirza Ghalib