dayār-e-ġhair meñ luTte to koī baat na thī — Shayari Of Shahab Lakhnavi

sāmne mohabbat ke hech hai siyāsat bhī
jab dimāġh thak jaa.e dil se kaam le ai dost

karo gunāh-e-mohabbat tamām umr 'shahāb'
ḳhudā kī dī huī ne.amat butoñ ke kaam aa.e

aur baḌhte to ḳhudā.ī kā bhī da.ave karte
ḳhair guzrī ki ye but rah ga.e but-ḳhāne meñ

nāla-e-bulbul se ġhunchoñ ke kaleje phaT ga.e
gulsitāñ vaale samajhte haiñ ki gul ḳhandāñ hue

mai-ḳhāna-e-hastī meñ muflis kī javānī kyā
ik laġhzish-e-mastāna do-chār qadam jaise

kaun ehsān-e-nā-ḳhudā.ī le
is se behtar to Duub jaanā hai

saare jahāñ se achchhā hindostāñ hamārā
ham bulbuleñ haiñ is kī ye gulsitāñ hamārā

dost-dār-e-dushman hai e'timād-e-dil ma.alūm
aah be-asar dekhī naala nā-rasā paayā

tum takalluf ko bhī iḳhlās samajhte ho 'farāz'
dost hotā nahīñ har haath milāne vaalā

sau sau umīdeñ bañdhtī hai ik ik nigāh par
mujh ko na aise pyaar se dekhā kare koī

ḳhud apne se milne kā to yaarā na thā mujh meñ
maiñ bhiiḌ meñ gum ho ga.ī tanhā.ī ke Dar se

jo ġhair the vo isī baat par hamāre hue
ki ham se dost bahut be-ḳhabar hamāre hue