ham-safar ziist kaa suraj ko banaae rakkhaa — Shahnaz Noor

ham zabt ki hadon se guzar bhi nahin gae
zinda agar nahin hain to mar bhi nahin gae

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

yaad aai hai to phir TuuT ke yaad aai hai
koi guzri hui manzil koi bhuli hui dost

yuun to maujud apne ghar mein hai
aadmi mustaqil safar mein hai