masala khatm huaa chaahtaa hai — Shakeel Jamali

zindagi aise bhi haalaat banaa deti hai
log saanson kaa kafan oDh ke mar jaate hain

— Shakeel Jamali

sab se pahle dil ke khaali-pan ko bharnaa
paisa saari umr kamaayaa jaa saktaa hai

— Shakeel Jamali

apne khuun se itni to ummidein hain
apne bachche bhiiD se aage nikleinge

— Shakeel Jamali

har kone se teri khushbu aaegi
har sanduq mein tere kapDe nikleinge

— Shakeel Jamali

umr kaa ek aur saal gayaa
vaqt phir ham pe khaak Daal gayaa

— Shakeel Jamali

abhi raushan huaa jaataa hai rasta
vo dekho ek aurat aa rahi hai

— Shakeel Jamali

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli