nikal aae jo ham ghar se to sau raste nikal aae — Siddiq Shahid

aisaa kuchh gardish-e-dauraan ne rakhaa hai masruf
maajare ho na sake ham se qalam-band apne

mujh se kahti hain vo udaas aanhkein
zindagi bhar ki sab thakan yaan hai

khvaab TuuTe paDe hain sab mere
main huun aur hairaton kaa saamaan hai

us ke jaane pe ye ehsaas huaa hai 'shaahid'
vo jazira thaa miraa dukh se bhare paani mein

bajaa hai khvaab-navardi pa khvaab aaise hon
khule jo aankh to apnaa hi ghar khanDar na lage

kuchh aaise daur bhi taaham giraft mein aae
ki ye zamin rahi baaqi na aasamaan hi rahaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

aise milaa hai ham se shanaasaa kabhi na thaa
vo yuun badal hi jaaegaa sochaa kabhi na thaa

koi to hai 'munir' jise fikr hai miri
ye jaan kar ajiib si hairat hui mujhe

tujhe chhu kar mujhe kaisaa lagegaa
havaa ke haath ban kar sochtaa huun

mar jaataa huun jab ye sochtaa huun
main tere baghair ji rahaa huun