bhale vo laDki qarib aa kar khaDi rahegi — Sultan Shaafi

zindagi ek film hai meri
jis mein hansne kaa scene hai hi nahin

— Sultan Shaafi

vahshat ne mujh hasin ko behaal kar diyaa
kamzor dil ke log na dekhein miri taraf

— Sultan Shaafi

puchh mujh se ki kis tarah main ne
teri tasvir pe guzaaraa kiyaa

— Sultan Shaafi

haalaanki ek shakhs tumhaari jagah pe hai
lekin tumhaaraa is se khalaa bhar nahin rahaa

— Sultan Shaafi

ik samt ghar ke log hain ik samt 'ishq hai
ai naujavaan laDki himaaqat ki baat hai

— Sultan Shaafi

hamaari aankh ke aansu sameTo
tumhaaraa is se kharcha chal rahaa hai

— Sultan Shaafi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi