ik samt ghar ke log hain ik samt 'ishq hai — Sultan Shaafi

zindagi ek film hai meri
jis mein hansne kaa scene hai hi nahin

— Sultan Shaafi

vahshat ne mujh hasin ko behaal kar diyaa
kamzor dil ke log na dekhein miri taraf

— Sultan Shaafi

puchh mujh se ki kis tarah main ne
teri tasvir pe guzaaraa kiyaa

— Sultan Shaafi

haalaanki ek shakhs tumhaari jagah pe hai
lekin tumhaaraa is se khalaa bhar nahin rahaa

— Sultan Shaafi

hamaari aankh ke aansu sameTo
tumhaaraa is se kharcha chal rahaa hai

— Sultan Shaafi

dekh aansu na qaid ho jaae
meri tasvir khinchne vaale

— Sultan Shaafi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal