dekh aansu na qaid ho jaae — Sultan Shaafi

vahshat ne mujh hasin ko behaal kar diyaa
kamzor dil ke log na dekhein miri taraf

puchh mujh se ki kis tarah main ne
teri tasvir pe guzaaraa kiyaa

haalaanki ek shakhs tumhaari jagah pe hai
lekin tumhaaraa is se khalaa bhar nahin rahaa

ik samt ghar ke log hain ik samt 'ishq hai
ai naujavaan laDki himaaqat ki baat hai

hamaari aankh ke aansu sameTo
tumhaaraa is se kharcha chal rahaa hai

main tere hote hue ghair ki panaah mein huun
mire habib ye tujh par 'azaab hai shaayad

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kisi ki yaad manaane mein iid guzregi
so shahr-e-dil mein bahut duur tak udaasi hai

aisi taraqqi par to ronaa bantaa hai
jis mein dahshat-gard corona bantaa hai

aadat ke baa'd dard bhi dene lagaa mazaa
hans hans ke aah aah kiye jaa rahaa huun main