koi izhaar kar saktaa hai kaise — Tabish Kamal

kab khulegaa ki falak paar se aage kyaa hai
kis ko maalum ki divaar se aage kyaa hai

utar gayaa hai rag-o-pai mein zaaiqa us kaa
ajiib shahad saa kal raat us zabaan mein thaa

yaqin se jo gumaan kaa faasla hai
zamin se aasmaan kaa faasla hai

ajab yaqin saa us shakhs ke gumaan mein thaa
vo baat karte hue bhi nai uDaan mein thaa

zamaane se alag thi meri duniyaa
main us ki dauD mein shaamil nahin thaa

kai paDaav the manzil ki raah mein 'taabish'
mire nasib mein lekin safar kuchh aur se the