ajab yaqin saa us shakhs ke gumaan mein thaa — Tabish Kamal

kab khulegaa ki falak paar se aage kyaa hai
kis ko maalum ki divaar se aage kyaa hai

utar gayaa hai rag-o-pai mein zaaiqa us kaa
ajiib shahad saa kal raat us zabaan mein thaa

yaqin se jo gumaan kaa faasla hai
zamin se aasmaan kaa faasla hai

zamaane se alag thi meri duniyaa
main us ki dauD mein shaamil nahin thaa

kai paDaav the manzil ki raah mein 'taabish'
mire nasib mein lekin safar kuchh aur se the

jis ne insaan se mohabbat hi nahin ki 'taabish'
us ko kyaa ilm ki pindaar se aage kyaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

ret par ik nishaan hai shaayad
ye hamaaraa makaan hai shaayad