kyuun na tashbih phuul ho us ki — Vijay Sharma

dasht ki naa-tamaam raahon par
koi saathi hai to shajar tanhaa

— Vijay Sharma

'arsh' bahaaron mein bhi aayaa ek nazaara patjhaD kaa
sabz shajar ke sabz tane par ik sukhi si Daali thi

— Vijay Sharma

nayaa nayaa hai so kah lo ise akelaa-pan
phir is maraz ke kai aur naam aaeinge

— Vijay Sharma

nai nahin hai ye tanhaai mere hujre ki
maraz ho koi bhi hai chaaraagar se Dar jaanaa

— Vijay Sharma

main bahut duur se aaya huun ik ummid liye
baiThne mat do magar naam to batlaane do

— Vijay Sharma

ye bahs chhoD ke kitni hasin hai duniyaa
tu ye bataa ki teraa dil kahin lagaa ki nahin

— Vijay Sharma

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

— Aziz Nabeel

shikva-e-zulmat-e-shab se to kahin behtar thaa
apne hisse ki koi shama jalaate jaate

— Ahmad Faraz