ye bahs chhoD ke kitni hasin hai duniyaa — Vijay Sharma

main bahut duur se aaya huun ik ummid liye
baiThne mat do magar naam to batlaane do

'arsh' bahaaron mein bhi aayaa ek nazaara patjhaD kaa
sabz shajar ke sabz tane par ik sukhi si Daali thi

nayaa nayaa hai so kah lo ise akelaa-pan
phir is maraz ke kai aur naam aaeinge

nai nahin hai ye tanhaai mere hujre ki
maraz ho koi bhi hai chaaraagar se Dar jaanaa

ik mohabbat bhare cinema mein
mere marne kaa scene mere khvaab

ai zindagi kabhi inkaar kaa sabab bhi sun
main thak gayaa huun teri haan mein haan milaate hue

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

vasl huaa par dil mein tamannaa
jaisi thi vaisi rakkhi hai

naaseh ki nasihat se hai zid aur bhi dil ko
suntaa nahin hoshyaar ki divaana hamaaraa

bahaar aae to khud hi laala o nargis bataa deinge
khizaan ke daur mein dilkash gulistaanon pe kyaa guzri

kahte hain aise vaqt mein vaajib hai jhuuT bhi
tu jhuuT koi bol ki dil phir se ji uThe