ehsaan kar rahaa hai tiraa hijr in dinon — Wasim Nadir

mohabbat bojh ban kar hi bhale rahti ho kaandhon par
magar ye bojh haTtaa hai to kandhe Tuut jaate hain

— Wasim Nadir

sab log jo hairat se tujhe dekh rahe hain
sar teraa bahut chhoTaa hai dastaar baDi hai

— Wasim Nadir

mohabbaton ko kahin se madad nahin milti
ye jang aisi hai jis mein rasad nahin milti

— Wasim Nadir

tire baghair bhi kahti hai mujh se jiine ko
ye zindagi bhi sahi mashvara nahin deti

— Wasim Nadir

main khushbuon ke zikr pe khaamosh hi rahaa
haalaanki ek phuul mire haafize mein thaa

— Wasim Nadir

hami akele nahin zindagi se haare hue
bahut se log khaDe hain badan utaare hue

— Wasim Nadir

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

is zindagi mein itni faraaghat kise nasib
itnaa na yaad aa ki tujhe bhuul jaaein ham

— Ahmad Faraz

tum se chhuT kar bhi tumhein bhulnaa aasaan na thaa
tum ko hi yaad kiyaa tum ko bhulaane ke liye

— Nida Fazli