saunp kar khaana-e-dil gham ko kidhar jaate ho — Zain

dam kaa aanaa to baDi baat hai lab par 'aarif'
zoaf ne harf-e-shikaayat kabhi aane na diyaa

— Zain

tum apni zulf se puchho miri pareshaani
ki haal us ko hai maalum hu-ba-hu meraa

— Zain

vo parda-nashini ki riaayat hai tumhaari
ham baat bhi khalvat se nikalne nahin dete

— Zain

furqat mein kaar-e-vasl liyaa vaah vaah se
har aah-e-dil ke saath ik armaan nikal gayaa

— Zain

na aae saamne mere agar nahin aataa
mujhe to us ke sivaa kuchh nazar nahin aataa

— Zain

tumhaari rah kaa rahaa ham ko har taraf dhokaa
chale jidhar ko so be-ikhtiyaar ho ke chale

— Zain

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi