fan pe chaahe 'ubur ho haasil — Zubair Khayali

intihaa ke qarib hai duniyaa
aadmi aakhiri sadi kaa huun

gard-aalud hain kitaabein sab
mar rahi hai asaas kamre mein

'ajab haalat hui apni ganvaa kar ek shai ko
use DhunDaa vahaan par bhi jahaan rakkhaa nahin thaa

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

aasmaan jhaank rahaa hai 'khaalid'
chaand kamre mein mire utraa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai