شعلہ ہے پھول پھول چمن تک نہ آئیو شادابیٔ بہار سے دھوکا نہ کھائیو مدت ہوئی وہ کوئے ملامت اجڑ گیا اب کے برس چراغ وفا مت جلائیو دامن سے ہم نے گرد تعلق بھی جھاڑ دی آسودگان ہجر کے اب منہ نہ آئیو ان مسکراہٹوں میں دبی ہے غموں کی آنچ چہرے کے روپ رنگ سے دھوکا نہ کھائیو اتنے برے تو جی کے نہیں زود رنج لوگ آشفتگان شوق پہ تہمت نہ لائیو پتھر نہ ڈال دے کوئی جھولی میں دن ڈھلے ماہرؔ فقیر بن کے صدا مت لگائیو

sho'la hai phul-phul chaman tak na aaiyo

غزل · Ghazal

تنہائی جہاں ذکر رخ یار کرے ہے ہر غم کو چراغ سر دیوار کرے ہے وہ پرسش غم ہو کہ ترا لطف و کرم ہو دیوانہ تو ہر بات سے انکار کرے ہے مدت ہوئی ہم شہر تمنا سے چلے آئے کیوں ہم سے صبا ذکر رخ یار کرے ہے بے ربط سی نظروں میں وہ انداز تعلق ہر مرحلۂ زیست کو دشوار کرے ہے زنجیر نہ پہنی کہ گریباں نہ کیا چاک یوں بھی کوئی رسوا سر بازار کرے ہے

tanhaai jahaan zikr-e-rukh-e-yaar kare hai

غزل · Ghazal

در و دیوار سے سایہ بھی نہ ابھرا کوئی اب ترے شہر میں ہوگا بھی نہ ہم سا کوئی ہر دریچے میں کھڑا ہے کوئی گوتم بن کر گھر کی تنہائی کا اب نام نہ لے گا کوئی وہی ٹوٹا ہوا لمحہ تھا مقدر اپنا جیسے جگ بیت گئے خواب نہ دیکھا کوئی ایک دیوار تھی خوشبو کی جو حائل ہی رہی جسم در جسم مرے سامنے آیا کوئی

dar-o-divaar se saaya bhi na ubhraa koi

غزل · Ghazal

منہ دیکھے کی باتیں ساری وعدے رنگیں خواب سنہرے دلی جا کر بھول نہ جانا پھول بدن یہ چاند سے چہرے تم کو تو اپنا سمجھا تھا تم سب سے بیگانے ٹھہرے تم نے دل میں جھانکا ہوتا کتنے زخم ہیں کتنے گہرے لاکھ پجاری دیپ جلائیں خوں ٹپکائیں جی سے جائیں بت خانے میں ریت سدا کی سارے صنم ہی گونگے بہرے بیتا ہوا ہر لمحہ مجھ سے اپنی قیمت مانگ رہا ہے کیسی بھیانک تنہائی ہے چاروں طرف ہیں ہنستے چہرے اپنی ہی صورت دیکھ کے ماہرؔ پہروں پہروں روئے بھی ہم کس کو اپنا میت بناتے لوگ تجارت پیشہ ٹھہرے

munh dekhe ki baatein saari vaa'de rangin khvaab sunahre

غزل · Ghazal

یہ بھی کیا کم ہے کہ اس بزم سے ہشیار چلے پارسا آئے تھے ہم بن کے گنہ گار چلے دیکھیے کون ہے شوریدہ سروں کا ہم گام زلف شب رنگ چلے سایۂ دیوار چلے اپنی آشفتہ سری اب تو متاع جاں ہے نقد دل نقد سکوں تیرے لیے ہار چلے عشق میں اس سے حسیں داد جنوں کیا ماہرؔ زندگی تیری تمنا میں تجھے ہار چلے

ye bhi kyaa kam hai ki is bazm se hushiyaar chale

غزل · Ghazal

پورب دیس کی یادیں لایا پھر موسم کا تیکھا پن مجھ سے پہروں انس کرے ہے تنہائی کا سونا پن دل کے رنگ محل میں جیسے برسوں کوئی نہ جھانکا ہو تصویروں کی بے نور آنکھیں شیشہ شیشہ دھندلا پن کتنی بار لہو رویا ہے کتنی بار جلے ہیں چراغ کتنے غموں کی آنچ میں نکھرا درد کا میٹھا میٹھا پن ہم ٹھہرے درویش جنم سے پیار کیا تو آ بیٹھے ہم سے کیا یہ تیکھی نظریں ہم سے کیا بیگانہ پن انجانے لوگوں تک پہنچا ذکر تمہاری چاہت کا گلی گلی مشہور ہوا ہے ماہرؔ کا دیوانہ پن

purab des ki yaadein laayaa phir mausam kaa tikhaa-pan

See all 23 Ghazals →