Kashif Husain Ghair

hamare dil ki tarah shahr ke ye raste bhi
hazar bhed chhupa.e hue se lagte hain

kya kahen aur dil ke baare men
ham mulazim hain is idare men

zamin hamvar ho kar rah ga.i hai
uDi hai dhuul vo daman se mere

hamari zindagi par maut bhi hairan hai 'gha.er'
na jaane kis ne ye tarikh-e-paida.ish nikali hai

in sitaron men kahin tum bhi ho
in nazaron men kahin main bhi huun

kuchh aisi bhi dil ki baten hoti hain
jin baton ko khalvat kam paD jaati hai

na ham vahshat mein apne ghar se nikle
na sahraa apni viraani se niklaa

bane hain kaam sab uljhan se mere
yahi atvaar hain bachpan se mere

zindagi mein kasak zaruri thi
ye khalaa pur tiri kami se huaa

haal puchhaa na kare haath milaayaa na kare
main isi dhuup mein khush huun koi saaya na kare

kyaa chaahti hai ham se hamaari ye zindagi
kyaa qarz hai jo ham se adaa ho nahin rahaa

mere andar kaa shor hai mujh mein
varna baahar to khaamushi hai yahaan