Maslihuddin Ahmad Aseer Kakorvi

"ruuh ki gahra.iyon men Duub kar dekha karo ek dhoka hai nazar ka ye sarasar samne"

"film ki gardish se tasviren badalti hi rahin umr-e-rafta ka na aaya phir vo manzar samne"

"ruuh hai mahv-e-tamanna husn hai mast-e-tarab ik niyaz-o-naz ka barpa hai mahshar samne"

"ada-e-husn ne bakhshi hai taqat-e-parvaz hava-e-shauq men uDta huun bal-o-par na sahi"

"dil ki hai sarmaya-dar-e-izzat o namus-e-husn hai yahi markaz yahi hai da.era mere liye"

"DhunDne vaalo zara zauq-e-nazar bhi chahiye varna lakhon hi zamin-o-asman dekha kiye"

ruuh ki gahraaiyon mein Duub kar dekhaa karo
ek dhokaa hai nazar kaa ye saraasar saamne

film ki gardish se tasvirein badalti hi rahin
umr-e-rafta kaa na aayaa phir vo manzar saamne

ruuh hai mahv-e-tamannaa husn hai mast-e-tarab
ik niyaaz-o-naaz kaa barpaa hai mahshar saamne

adaa-e-husn ne bakhshi hai taaqat-e-parvaaz
havaa-e-shauq mein uDtaa huun baal-o-par na sahi

dil ki hai sarmaaya-daar-e-izzat o naamus-e-husn
hai yahi markaz yahi hai daaera mere liye

DhunDne vaalo zaraa zauq-e-nazar bhi chaahiye
varna laakhon hi zamin-o-aasmaan dekhaa kiye