تجھے ہے پیار تو یوں کرکے چل دکھا مجھ کو سبھی کے سامنے اپنے گلے لگا مجھ کو میں جانتا ہوں کہ تو اک دہکتا شعلہ ہے تری تپش میں اگر دم ہے تو جلا مجھ کو ہر اک نظر کو پتا ہے میں ایک پتھر ہوں ہر ایک دل نے بنا رکھا ہے خدا مجھ کو تری زباں پہ ہے انکار آج بھی لیکن کچھ اور کہتی لگی ہے تری ادا مجھ کو نہ اب رہا ہے کوئی شوق بننے ٹھننے کا نہ اپنی اور بلاتا ہے آئینہ مجھ کو کہیں ندی کہیں دریا کہیں سمندر ہوں یہ نام دیتا ہے پانی کا سلسلہ مجھ کو انہیں ہے شوق اگر آزمانے کا الفتؔ غرور اپنی وفا پر بھی ہے بڑا مجھ کو

tujhe hai pyaar to yuun karke chal dikhaa mujh ko

غزل · Ghazal

میں جانتا ہوں کہ سارے برے نہیں ہوتے مگر یہ سچ ہے کہ سب ایک سے نہیں ہوتے مرے پروں میں اگر حوصلے نہیں ہوتے یہ آسماں میرے آگے جھکے نہیں ہوتے مرے صنم جو مجھے تم ملے نہیں ہوتے سکون دل سے مرے رابطے نہیں ہوتے زمین پانی ہوا دیکھ بھلا سب کچھ ہے نہ جانے کیوں میرے بوٹے ہرے نہیں ہوتے یہ تیرا قد ہے جو رکھتا ہے اہمیت ورنہ خوش آمدید کو سارے جھکے نہیں ہوتے عدالتوں سے جڑے سارے دعوے داروں میں یہ چغلیاں ہیں سہی فیصلے نہیں ہوتے جو ہو سکے تو زباں کو ذرا سرل رکھنا بہت سے نیتا زیادہ پڑھے نہیں ہوتے مرے خدا کی عنایت اگر نہیں ہوتی مرے چراغ ہوا میں جلے نہیں ہوتے تمام عمر کئی لوگ چھوٹے رہتے ہیں بلندیوں پہ بھی جا کر بڑے نہیں ہوتے

main jaantaa huun ki saare bure nahin hote

غزل · Ghazal

چپ ہوں سب جانتا مگر ہوں میں یہ نہ سمجھو کہ بے خبر ہوں میں یوں تو کہنے کو اک شجر ہوں میں لیکن افسوس بے ثمر ہوں میں کوئی اپنا ہے میری کمزوری ورنہ سچی بڑا نڈر ہوں میں آج بے فکر ہو کے سو جاؤ میرے گھر والو آج گھر ہوں میں ذہن میں لائنیں ہیں سڑکیں ہیں اب تو لگتا ہے خود سفر ہوں میں ہر طرف خوشبوؤں سے بھر دوں گا موسم گل کا منتظر ہوں میں مجھ پہ چل کر تو دیکھیے الفتؔ مخملی گھاس کی ڈگر ہوں میں

chup huun sab jaantaa magar huun main

غزل · Ghazal

کہہ دو دل میں جو بات باقی ہے یہ نہ سوچو کہ رات باقی ہے عشق کی بات ہے ابھی کر لو بھول جاؤ حیات باقی ہے ساری دنیا ہے پھر بھی تنہا ہوں اک تمہارا ہی ساتھ باقی ہے آج کہتے ہیں بس شراب شراب کل کہیں گے نجات باقی ہے پہلے لازم ہے جیتنا دل کا پھر کہاں کائنات باقی ہے

kah do dil mein jo baat baaqi hai

غزل · Ghazal

تیرا دل بھی مرے دل جیسا اگر ہو جائے کتنا آساں مرے جیون کا سفر ہو جائے میں نے ہر بار یہی سوچ کے کوشش کی ہے شاید اس بار تری مجھ پہ نظر ہو جائے اس کا وعدہ ہے وہ کل صبح ملے گی مجھ سے دل یہ کرتا ہے کہ جلدی سے سحر ہو جائے میری حسرت ہے اسے باہوں میں بھر لینے کی کاش اب کے وہ جب آئے تو جگر ہو جائے وہ جہاں ٹھہرے وہیں میرے لئے منزل ہو اس کے قدموں کے نشاں میرے ڈگر ہو جائے

teraa dil bhi mire dil jaisaa agar ho jaae

Similar Poets