Saghar Nizami

"tere naghmon se hai rag rag men tarannum paida ishrat-e-ruh hai zalim tiri avaz nahin"

"yahi sahba yahi saghar yahi paimana hai chashm-e-saqi hai ki mai-khane ka mai-khana hai"

"aankh tumhari mast bhi hai aur masti ka paimana bhi ek chhalakte saghar men mai bhi hai aur mai-khana bhi"

"vo miri khak-nashini ke maze kya jaane jo miri tarah tiri raah men barbad nahin"

"sajde miri jabin ke nahin is qadar haqir kuchh to samajh raha huun tire astan ko main"

"khiraman khiraman mo.attar mo.attar nasim aa rahi hai ki vo aa rahe hain"

vo miri khaak-nashini ke maze kyaa jaane
jo miri tarah tiri raah mein barbaad nahin

aankh tumhaari mast bhi hai aur masti kaa paimaana bhi
ek chhalakte saaghar mein mai bhi hai aur mai-khaana bhi

kaafir gesu vaalon ki raat basar yuun hoti hai
husn hifaazat kartaa hai aur javaani soti hai

tere naghmon se hai rag rag mein tarannum paidaa
ishrat-e-ruh hai zaalim tiri aavaaz nahin

yahi sahbaa yahi saaghar yahi paimaana hai
chashm-e-saaqi hai ki mai-khaane kaa mai-khaana hai

nazar karam ki faraavaaniyon pe paDti hai
phir apne daaman-e-khaaki ko dekhtaa huun main