Seema Ghazal

"sard hote hue vajud men bas kuchh nahin tha alaav ankhen thiin"

"khud apne-ap se milne ki khatir abhi koson mujhe chalna paDega"

"main ne kaha tha mujh ko andhere ka khauf hai us ne ye sun ke aaj mira ghar jala diya"

"jazbon par jab barf jame to jiina mushkil hota hai dil ke atish-dan men thoDi aag jalani paDti hai"

"be-qarari se mire paas vo aaya lekin us ne puchha bhi to bas ye ki fulan kaisa hai"

"ek avaz main ne suni thi abhi kaun bola tha ye to khabar hi nahin ye ta'alluq zaruri hai kis ne kaha vo bhi khamosh tha main bhi khamosh thi"

aise kuchh haadse bhi guzre hain
jin pe main aaj tak nahin roi

jazbon par jab barf jame to jiinaa mushkil hotaa hai
dil ke aatish-daan mein thoDi aag jalaani paDti hai

mujh ko us ke nahin khud mere havaale karte
kam se kam ye to mire chaahne vaale karte

main ek roz use DhunD kar to le aauun
vo apni zaat se baahar kahin mile to sahi

be-qaraari se mire paas vo aayaa lekin
us ne puchhaa bhi to bas ye ki fulaan kaisaa hai

sard hote hue vajud mein bas
kuchh nahin thaa alaav aankhein thiin