Tauqeer Abbas

bahaar dard bharaa iqtibaas chhoD gai
har ik shajar kaa badan be-libaas chhoD gai

chhoD aayaa thaa mez par chaae
ye judaai kaa istiaaraa thaa

lahu meri nason mein bhi kabhi kaa jam chukaa thaa
badan par barf ko oDhe nadi bhi so rahi thi

meri aankhon mein aa ke raakh huaa
jaane kis des kaa sitaaraa thaa

vaqt kar degaa faisla is kaa
kaun sachchaa hai kaun jhuTaa hai

phir yahi baat na main bhuul sakaa
main use bhuul gayaa thaa ik din