Zaheer Ghazipuri

utre to kai baar sahife mire ghar mein
milte hain magar sirf jaride mire ghar mein

bam phaTe log mare khuun bahaa shahr luTe
aur kyaa likkhaa hai akhbaar mein aage paDhiye

kaaghaz ki naav bhi hai khilaune bhi hain bahut
bachpan se phir bhi haath milaanaa muhaal hai

taa-umr apni fikr o riyaazat ke baavajud
khud ko kisi sazaa se bachaanaa muhaal hai

reza reza apnaa paikar ik nai tartib mein
canvas par dekh kar hairaan ho jaanaa paDaa