aa gayaa phir bahaar kaa mausam — Masihuddin Shariq

"gulaabon ki tarah mahkaa to hogaa agar dil hai to dil dhaDkaa to hogaa ye saaraa shahr hi ik ajnabi hai magar phir bhi koi apnaa to hogaa mire sar ko qalam karne se pahle mire baare mein kuchh sochaa to hogaa jahaan par koi bhi rahtaa nahin hai vahaan rahne ko sannaaTaa to hogaa mire bhi vaaste 'shaariq' ke dil mein koi na koi darvaaza to hogaa"

"yaad rah jaaein jo vo lafz-o-maaani rakhnaa apni tahrir mein dariyaa ki ravaani rakhnaa main chalaa aaungaa bahke hue mausam ki tarah tum mire naam koi shaam suhaani rakhnaa log puchhein to koi baat na kahnaa un se dil mein poshida har ik gham ki kahaani rakhnaa main jise dekh ke andaaza lagaa luun teraa apne nazdik koi aisi nishaani rakhnaa ye to ham hain jo tujhe saath rakhaa hai 'shaariq' varna aasaan to nahin dushman-e-jaani rakhnaa"

"saikDon saal ki zabaan huun main phir bhi be-jaan daastaan huun main kuchh samajh mein mire nahin aataa main zamin huun yaa aasmaan huun main tu hai raunaq miri main tere binaa ek viraan saa makaan huun main jis khazaane ki tum talaash mein ho us khazaane kaa ik nishaan huun main sirf do-chaar din ki baat nahin zindagi bhar kaa saaebaan huun main"

"tujh se mil kar nayaa na ho jaae zakhm-e-dil phir haraa na ho jaae us pe gahri nazar rakho varna vo kahin intihaa na ho jaae vo kahin phir sunaami lahron saa dusraa zalzala na ho jaae us ko Dar hai ki us ki chaukhaT par koi aakar khaDaa na ho jaae mujh se bachnaa ki teraa meraa kahin aamnaa-saamnaa na ho jaae"

"bichhaD ke koi mile to khushi si lagti hai ye zindagi na sahi zindagi si lagti hai vo shaam jo kabhi divaana-vaar aai thi vo shaam aaj mujhe ajnabi si lagti hai ajiib baat hai in surmai andheron mein main jab bhi dekhun mujhe raushni si lagti hai ajab talab hai tiri tishnagi nahin jaati tu mil bhi jaae to teri kami si lagti hai"

"mahv-e-hairat huun miraa khaar ne rasta dekhaa ek kirdaar kaa kirdaar ne rasta dekhaa kaun kahtaa hai talabgaar ne rasta dekhaa ek be-daar kaa bedaar ne rasta dekhaa kam-nasibi ki mulaaqaat se mahrum rahe khush-nasibi ki mire yaar ne rasta dekhaa anginat aae ruke aur ravaana bhi hue kab kisi shakhs kaa sansaar ne rasta dekhaa apne vaalon ne musibat mein bhulaayaa lekin dosti ke liye aghyaar ne rasta dekhaa main ne sachchaai ko jis roz se apnaayaa hai meraa aksar rasan-o-daar ne rasta dekhaa tujh se 'mahmud' use pyaar bahut thaa shaayad marte dam tak tire bimaar ne rasta dekhaa"

"dushmani chalti rahi yaaron ke biich phuul bhi khilte rahe khaaron ke biich ho agar imaan-e-kaamil aaj bhi raqs ho saktaa hai angaaron ke biich dosti ki chhat banaanaa chaahiye ham ko bhi rahnaa hai divaaron ke biich aap ko to chaand kahte the sabhi aap kyon dhundlaa gae taaron ke biich khud-farebi ne sahaaraa de diyaa mil gayaa iqraar inkaaron ke biich khuub hai 'muztar' kaa rang-e-shaairi khuun ki surkhi hai ghazal-paaron ke biich"

"miri jaanib nigaah-e-naaz kar aahista aahista mire dil ke jazire mein utar aahista aahista mohabbat donon jaanib hai tafaavut sirf itnaa hai idhar hai tez-rau lekin udhar aahista aahista tiri beTi kaa qad tere baraabar ho gayaa shaayad tu apni khud-kushi par ghaur kar aahista aahista sahar aai na aae vo sitaaro jaao so jaao ki ab chalte hain ham bhi apne ghar aahista aahista jo kal tak meri barbaadi ki qasmein khaate phirte the vahi ab ho rahe hain dar-ba-dar aahista aahista na jaane rah-ravaan-e-raah kaa ab hashr kyaa hogaa bhaTakte jaa rahe hain raahbar aahista aahista khudaa ke vaaste samjhaa-bujhaa kar rok le koi vo dekho jaa rahe hain ruuTh kar aahista aahista adaavat dil mein rakhnaa muskuraa kar guftugu karnaa sabhi ko aa gayaa hai ye hunar aahista aahista nimaT luun doston ki dosti se pahle ai 'hamza' to lungaa dushmanon ki bhi khabar aahista aahista"

"gila hai apne muqaddar ki be-hisi se hamein aur is se baDh ke shikaayat hai zindagi se hamein kabhi nigaar-e-lab-e-shoala-vash kaa zikr chalaa kabhi hisaar-e-gham-e-jaan milaa kisi se hamein kabhi thaa qurb mein ik iztiraab kaa aalam kabhi qaraar milaa teri be-rukhi se hamein kabhi malaal huaa iltifaat-e-paiham se kabhi khushi thi bahut tark-e-dosti se hamein kabhi gumaan ki ye duniyaa hai ik fareb-e-nazar yaqin bhi hai khudaa ke vajud hi se hamein hayaat-e-jehd-e-musalsal mein kyon hai sargardaan zaraa pataa to chale ilm-o-aagahi se hamein agarche dil ko mili thi naved-e-subh-e-jamaal najaat mil na saki shab ki tirgi se hamein khaDe hain dasht-e-balaa-khez mein barahna-paa milaa hai izn-e-safar jazba-e-khudi se hamein 'sabaa' ye kaun si manzil hai dasht-e-imkaan mein na aashnaa se gharaz hai na ajnabi se hamein"

"ek dariyaa saa musalsal hai ravaan jaante hain ham zamaane se zamaane ko yahaan jaante hain raah-e-haq par hamein rakhnaa hain akele hi qadam saath degaa na hamaaraa ye jahaan jaante hain ham ne jo baat kahi vo bhi na samjhi tum ne dost to dost ki khaamosh zabaan jaante hain laakh aaraaishein mil jaaein magar un ke baghair ghar na ho paaegaa ham se ye makaan jaante hain daa'vaa karte hain khudaa ko bhi samajhne kaa magar ham yahaan Thiik se khud ko bhi kahaan jaante hain jism ke zakhm to sab bhar gae kab ke lekin ruuh par ab bhi jo hain ham vo nishaan jaante hain 'aarzu' kyon ho hamein ‘umr-daraazi ki jab zindagi ham tire sab sud-o-ziyaan jaante hain"

"rakht-e-safar kaa main ne iraada nahin kiyaa raushan charaagh-e-manzil-e-jaada nahin kiyaa tujh se bichhaD ke aur miraa dil udaas ho milne kaa is liye abhi vaada nahin kiyaa shiddat se thaa malaal shab-e-hijr kaa magar shaane pe tere sar ko nihaada nahin kiyaa dil mutmain hai baais-e-tajdid-e-dosti us ko khafaa bhi had se ziyaada nahin kiyaa sab kuchh ataa huaa tiri rahmat se is liye dast-e-talab ko aur kushaada nahin kiyaa shaayad ki meri ruuh ko baalidgi mile khud ko rahin-e-saaghar-o-baada nahin kiyaa shaayad miri jabin ko mile izn-e-bandagi dil ke varq ko is liye saada nahin kiyaa mujh ko na tamkanat kaa ho ehsaas-e-be-ziyaan qaamat ko apne aur sitaara nahin kiyaa apni talaash mein huun 'sabaa' is liye abhi su-e-haram safar kaa iraada nahin kiyaa"