bayaan-e-shauq banaa harf-e-iztiraab banaa — Hasan Naim
"bayaan-e-shauq banaa harf-e-iztiraab banaa vo ik savaal ki jis kaa na kuchh javaab banaa main ek baab thaa afsaana-e-vafaa kaa magar tumhaari bazm se uTThaa to ik kitaab banaa mujhe safir banaa apnaa ku-ba-ku ai ishq kise havas hai ki duniyaa mein kaamyaab banaa main jis khayaal ko apnaa junun samajhtaa thaa vahi khayaal zamaane kaa husn-e-khvaab banaa kabhi to vajh-e-karam ban gai hai khuddaari kabhi niyaaz-talab baais itaab banaa saraa-e-dil mein jagah de to kaaT luun ik raat nahin ye shart ki mujh ko sharik-e-khvaab banaa jo ek daagh ki surat rahaa shab-e-ummid nujum-e-dil mein vahi dard aaftaab banaa mujhe na khaak mein milne de ai gham-e-pinhaan jo ban sakun to mujhe naqsh-e-laa-javaab banaa mizha se qatra khushi mein chhalak rahaa thaa magar sukut-e-lab se tire mauj-e-iztiraab banaa bane hain khvaab ke jhonke nasim-e-khuld-nashin suluk-e-dahr jahaan aatish-e-azaab banaa bahut qarib se dekhaa to kho gae jalve nazar hi parda bani husn hi hijaab banaa jo mere dasht-e-junun mein thaa farq-e-ru-e-bahaar vahi khirad ke kharaabe mein ik gulaab banaa amir-e-charkh kaa ehsaan nahin hai mujh pe 'naim' mujhe hai naaz ki zarre se aaftaab banaa"
بیان شوق بنا حرف اضطراب بنا وہ اک سوال کہ جس کا نہ کچھ جواب بنا میں ایک باب تھا افسانۂ وفا کا مگر تمہاری بزم سے اٹھا تو اک کتاب بنا مجھے سفیر بنا اپنا کو بہ کو اے عشق کسے ہوس ہے کہ دنیا میں کامیاب بنا میں جس خیال کو اپنا جنوں سمجھتا تھا وہی خیال زمانے کا حسن خواب بنا کبھی تو وجہ کرم بن گئی ہے خودداری کبھی نیاز طلب باعث عتاب بنا سرائے دل میں جگہ دے تو کاٹ لوں اک رات نہیں یہ شرط کہ مجھ کو شریک خواب بنا جو ایک داغ کی صورت رہا شب امید نجوم دل میں وہی درد آفتاب بنا مجھے نہ خاک میں ملنے دے اے غم پنہاں جو بن سکوں تو مجھے نقش لا جواب بنا مژہ سے قطرہ خوشی میں چھلک رہا تھا مگر سکوت لب سے ترے موج اضطراب بنا بنے ہیں خواب کے جھونکے نسیم خلد نشیں سلوک دہر جہاں آتش عذاب بنا بہت قریب سے دیکھا تو کھو گئے جلوے نظر ہی پردہ بنی حسن ہی حجاب بنا جو میرے دشت جنوں میں تھا فرق روئے بہار وہی خرد کے خرابے میں اک گلاب بنا امیر چرخ کا احساں نہیں ہے مجھ پہ نعیمؔ مجھے ہے ناز کہ ذرہ سے آفتاب بنا
बयान-ए-शौक़ बना हर्फ़-ए-इज़्तिराब बना वो इक सवाल कि जिस का न कुछ जवाब बना मैं एक बाब था अफ़साना-ए-वफ़ा का मगर तुम्हारी बज़्म से उट्ठा तो इक किताब बना मुझे सफ़ीर बना अपना कू-ब-कू ऐ इश्क़ किसे हवस है कि दुनिया में कामयाब बना मैं जिस ख़याल को अपना जुनूँ समझता था वही ख़याल ज़माने का हुस्न-ए-ख़्वाब बना कभी तो वजह-ए-करम बन गई है ख़ुद्दारी कभी नियाज़-तलब बाइस इताब बना सरा-ए-दिल में जगह दे तो काट लूँ इक रात नहीं ये शर्त कि मुझ को शरीक-ए-ख़्वाब बना जो एक दाग़ की सूरत रहा शब-ए-उम्मीद नुजूम-ए-दिल में वही दर्द आफ़्ताब बना मुझे न ख़ाक में मिलने दे ऐ ग़म-ए-पिन्हाँ जो बन सकूँ तो मुझे नक़्श-ए-ला-जवाब बना मिज़ा से क़तरा ख़ुशी में छलक रहा था मगर सुकूत-ए-लब से तिरे मौज-ए-इज़्तिराब बना बने हैं ख़्वाब के झोंके नसीम-ए-ख़ुल्द-नशीं सुलूक-ए-दहर जहाँ आतिश-ए-अज़ाब बना बहुत क़रीब से देखा तो खो गए जल्वे नज़र ही पर्दा बनी हुस्न ही हिजाब बना जो मेरे दश्त-ए-जुनूँ में था फ़र्क़-ए-रू-ए-बहार वही ख़िरद के ख़राबे में इक गुलाब बना अमीर-ए-चर्ख़ का एहसाँ नहीं है मुझ पे 'नईम' मुझे है नाज़ कि ज़र्रे से आफ़्ताब बना
