bujhtaa chalaa hai sho'la dil-e-daagh-daar kaa — Fakhir Lakhnavi
"bujhtaa chalaa hai sho'la dil-e-daagh-daar kaa ab koi dam mein kuuch hai sham'-e-mazaar kaa hai ek tarah sho'la dil-e-daagh-daar kaa bujhtaa nahin charaagh hamaari mazaar kaa dil ki shikastagi pas-e-murdan bhi hai 'ayaan shaq sau jagah se sang hai meri mazaar kaa naam-aavaron ko aisaa falak ne miTaa diyaa miltaa nahin nishaan bhi ab un ki mazaar kaa dud-e-jigar ko jab na mili jaa jahaan mein parvaana ban gayaa miri sham'-e-mazaar kaa khinchun agar main qabr mein ik aah-e-aatishin surma bisaan-e-tur ho patthar mazaar kaa miTne se us ke naam-o-nishaan khalq se miTe rakkhaa hai naam lauh-e-tilism-e-mazaar kaa saaton falak hain zulm ko kyaa kam ki baa'd-e-marg ik aur aasmaan ho gumbad mazaar kaa ham mar gae hain ishq mein ik sabz rang ke gumbad zamurradi ho hamaari mazaar kaa madd-e-nazar ye hai ki miTaaein nishaan talak surma banaa rahe hain vo sang-e-mazaar kaa paDhne lage vo faatiha meri samajh ke qabr paayaa kahin nishaan jo kisi ke mazaar kaa kah do ye doston se banaaein na kuchh nishaan bas hai yahi nishaan hamaari mazaar kaa roegaa ye bhi sham' ki surat tamaam 'umr hansnaa nahin hai khuub charaagh-e-mazaar kaa dam-bhar ko shaamiyaana lahad par vo ho gayaa uTThaa bagulaa koi jo khaak-e-mazaar kaa ki justuju kahaan na kahaan doston ne par paayaa kahin nishaan na hamaari mazaar kaa allah re apne taale-e-khvaabida kaa asar sabza bhi so rahaa hai hamaari mazaar kaa kaise ye jhonke baad-e-mukhaalif ke chal gae gul kar diyaa charaagh hamaari mazaar kaa ki soz-e-dil se mar ke jo ik aah-e-aatishin misl-e-chinaar jal gayaa takhta mazaar kaa vo bevafaa bhi rone lagaa aa ke qabr par taa'viz baa-asar hai hamaari mazaar kaa uTh uTh ke baiTh baiTh gayaa naa-tavaan ki tarah uTThaa kabhi ghubaar jo khaak-e-mazaar kaa soz-e-darun se sang-e-lahad tak chaTak gayaa sabza haraa ho khaak hamaari mazaar kaa allaah kyaa hai tira-o-taarik meri qabr zulmat hai naam kaakul-e-sham-e-mazaar kaa rote hain har lahad se lipaT kar vo zaar-zaar miltaa nahin nishaan jo hamaari mazaar kaa jal jaaeinge gharib patange idhar-udhar raushan karo charaagh na meri mazaar kaa ab puchhte hain aap ki 'faakhir' guzar gayaa baaqi nishaan talak na rahaa jab mazaar kaa"
بجھتا چلا ہے شعلہ دل داغدار کا اب کوئی دم میں کوچ ہے شمع مزار کا ہے ایک طرح شعلہ دل داغدار کا بجھتا نہیں چراغ ہماری مزار کا دل کی شکستگی پس مردن بھی ہے عیاں شق سو جگہ سے سنگ ہے میری مزار کا نام آوروں کو ایسا فلک نے مٹا دیا ملتا نہیں نشاں بھی اب ان کی مزار کا دود جگر کو جب نہ ملی جا جہان میں پروانہ بن گیا مری شمع مزار کا کھینچوں اگر میں قبر میں اک آہ آتشیں سرمہ بسان طور ہو پتھر مزار کا مٹنے سے اس کے نام و نشاں خلق سے مٹے رکھا ہے نام لوح طلسم مزار کا ساتوں فلک ہیں ظلم کو کیا کم کہ بعد مرگ اک اور آسمان ہو گنبد مزار کا ہم مر گئے ہیں عشق میں اک سبز رنگ کے گنبد زمردی ہو ہماری مزار کا مد نظر یہ ہے کہ مٹائیں نشاں تلک سرمہ بنا رہے ہیں وہ سنگ مزار کا پڑھنے لگے وہ فاتحہ میری سمجھ کے قبر پایا کہیں نشاں جو کسی کے مزار کا کہہ دو یہ دوستوں سے بنائیں نہ کچھ نشاں بس ہے یہی نشان ہماری مزار کا روئے گا یہ بھی شمع کی صورت تمام عمر ہنسنا نہیں ہے خوب چراغ مزار کا دم بھر کو شامیانہ لحد پر وہ ہو گیا اٹھا بگولا کوئی جو خاک مزار کا کی جستجو کہاں نہ کہاں دوستوں نے پر پایا کہیں نشاں نہ ہماری مزار کا اللہ رے اپنے طالع خوابیدہ کا اثر سبزہ بھی سو رہا ہے ہماری مزار کا کیسے یہ جھونکے باد مخالف کے چل گئے گل کر دیا چراغ ہماری مزار کا کی سوز دل سے مر کے جو اک آہ آتشیں مثل چنار جل گیا تختہ مزار کا وہ بے وفا بھی رونے لگا آ کے قبر پر تعویذ با اثر ہے ہماری مزار کا اٹھ اٹھ کے بیٹھ بیٹھ گیا ناتواں کی طرح اٹھا کبھی غبار جو خاک مزار کا سوز دروں سے سنگ لحد تک چٹک گیا سبزہ ہرا ہو خاک ہماری مزار کا اللہ کیا ہے تیرہ و تاریک میری قبر ظلمت ہے نام کاکل شمع مزار کا روتے ہیں ہر لحد سے لپٹ کر وہ زار زار ملتا نہیں نشاں جو ہماری مزار کا جل جائیں گے غریب پتنگے ادھر ادھر روشن کرو چراغ نہ میری مزار کا اب پوچھتے ہیں آپ کہ فاخرؔ گزر گیا باقی نشاں تلک نہ رہا جب مزار کا
बुझता चला है शो'ला दिल-ए-दाग़-दार का अब कोई दम में कूच है शम'-ए-मज़ार का है एक तरह शो'ला दिल-ए-दाग़-दार का बुझता नहीं चराग़ हमारी मज़ार का दिल की शिकस्तगी पस-ए-मुर्दन भी है 'अयाँ शक़ सौ जगह से संग है मेरी मज़ार का नाम-आवरों को ऐसा फ़लक ने मिटा दिया मिलता नहीं निशाँ भी अब उन की मज़ार का दूद-ए-जिगर को जब न मिली जा जहान में परवाना बन गया मिरी शम'-ए-मज़ार का खींचूँ अगर मैं क़ब्र में इक आह-ए-आतिशीं सुर्मा बिसान-ए-तूर हो पत्थर मज़ार का मिटने से उस के नाम-ओ-निशाँ ख़ल्क़ से मिटे रख्खा है नाम लौह-ए-तिलिस्म-ए-मज़ार का सातों फ़लक हैं ज़ुल्म को क्या कम कि बा'द-ए-मर्ग इक और आसमान हो गुम्बद मज़ार का हम मर गए हैं इश्क़ में इक सब्ज़ रंग के गुम्बद ज़मुर्रदी हो हमारी मज़ार का मद्द-ए-नज़र ये है कि मिटाएँ निशाँ तलक सुर्मा बना रहे हैं वो संग-ए-मज़ार का पढ़ने लगे वो फ़ातिहा मेरी समझ के क़ब्र पाया कहीं निशाँ जो किसी के मज़ार का कह दो ये दोस्तों से बनाएँ न कुछ निशाँ बस है यही निशान हमारी मज़ार का रोएगा ये भी शम' की सूरत तमाम 'उम्र हँसना नहीं है ख़ूब चराग़-ए-मज़ार का दम-भर को शामियाना लहद पर वो हो गया उट्ठा बगूला कोई जो ख़ाक-ए-मज़ार का की जुस्तुजू कहाँ न कहाँ दोस्तों ने पर पाया कहीं निशाँ न हमारी मज़ार का अल्लह रे अपने तालए-ए-ख़्वाबीदा का असर सब्ज़ा भी सो रहा है हमारी मज़ार का कैसे ये झोंके बाद-ए-मुख़ालिफ़ के चल गए गुल कर दिया चराग़ हमारी मज़ार का की सोज़-ए-दिल से मर के जो इक आह-ए-आतिशीं मिस्ल-ए-चिनार जल गया तख़्ता मज़ार का वो बेवफ़ा भी रोने लगा आ के क़ब्र पर ता'वीज़ बा-असर है हमारी मज़ार का उठ उठ के बैठ बैठ गया ना-तवाँ की तरह उट्ठा कभी ग़ुबार जो ख़ाक-ए-मज़ार का सोज़-ए-दरूँ से संग-ए-लहद तक चटक गया सब्ज़ा हरा हो ख़ाक हमारी मज़ार का अल्लाह क्या है तीरा-ओ-तारीक मेरी क़ब्र ज़ुल्मत है नाम काकुल-ए-शम-ए-मज़ार का रोते हैं हर लहद से लिपट कर वो ज़ार-ज़ार मिलता नहीं निशाँ जो हमारी मज़ार का जल जाएँगे ग़रीब पतंगे इधर-उधर रौशन करो चराग़ न मेरी मज़ार का अब पूछते हैं आप कि 'फ़ाख़िर' गुज़र गया बाक़ी निशाँ तलक न रहा जब मज़ार का
