dabaa paDaa hai kahin dasht mein khazaana miraa — Farhat Ehsas
"dabaa paDaa hai kahin dasht mein khazaana miraa tu kis talaash mein hai shahr mein divaana miraa tamaam raat hai aankhon se aansuon ki kashid tamaam raat khulaa hai sharaab-khaana miraa ye meri ruuh kaa jhagDaa thaa aasmaan ke saath bilaa-qusur badan ban gayaa nishaana miraa falak ke sar pe paDe hain meri zamin ke paanv mire sirhaane se unchaa hai paaitaana miraa main ek zakhm baraabar zamin pe rahtaa huun vo kah rahe hain ye qabza hai ghaasibaana miraa to aao ahl-e-jahaan is pe faisla kar lein makaan saaraa tumhaaraa darun-e-khaana miraa khud apne aap mein hai saari meri aamad-o-raft kahin se aanaa na ab hai kahin bhi jaanaa miraa kahaan kaa 'ishq havas tak bhi ho nahin sakti yahi rahegaa jo andaaz mujrimaana miraa bikherni hai jise zulf us kaa istiqbaal vabaal-e-shahr se khaali hai ek shaana miraa main khuub faaqa na kartaa to mar gayaa hotaa mire khilaaf saf-aaraa thaa aab-o-daana miraa kabhi khudaa kabhi insaan raah mein haail khud apne aap se rishta bhi ghaaebaana miraa kahin mire kisi lamhe se phir hui koi chuuk phir aate aate kahin rah gayaa zamaana miraa tire ghayaab ki khidmat mein saaraa meraa qusur vujud phir bhi vahi ghair-haaziraanaa miraa vo mere lafz ke donon suron se vaaqif hai kabhi bhi kaam na aayaa koi bahaana miraa"
دبا پڑا ہے کہیں دشت میں خزانہ مرا تو کس تلاش میں ہے شہر میں دوانہ مرا تمام رات ہے آنکھوں سے آنسوؤں کی کشید تمام رات کھلا ہے شراب خانہ مرا یہ میری روح کا جھگڑا تھا آسماں کے ساتھ بلا قصور بدن بن گیا نشانہ مرا فلک کے سر پہ پڑے ہیں میری زمین کے پاؤں مرے سرہانے سے اونچا ہے پائتانہ مرا میں ایک زخم برابر زمیں پہ رہتا ہوں وہ کہہ رہے ہیں یہ قبضہ ہے غاصبانہ مرا تو آؤ اہل جہاں اس پہ فیصلہ کر لیں مکان سارا تمہارا درون خانہ مرا خود اپنے آپ میں ہے ساری میری آمد و رفت کہیں سے آنا نہ اب ہے کہیں بھی جانا مرا کہاں کا عشق ہوس تک بھی ہو نہیں سکتی یہی رہے گا جو انداز مجرمانہ مرا بکھیرنی ہے جسے زلف اس کا استقبال وبال شہر سے خالی ہے ایک شانہ مرا میں خوب فاقہ نہ کرتا تو مر گیا ہوتا مرے خلاف صف آرا تھا آب و دانہ مرا کبھی خدا کبھی انسان راہ میں حائل خود اپنے آپ سے رشتہ بھی غائبانہ مرا کہیں مرے کسی لمحے سے پھر ہوئی کوئی چوک پھر آتے آتے کہیں رہ گیا زمانہ مرا ترے غیاب کی خدمت میں سارا میرا قصور وجود پھر بھی وہی غیر حاضرانہ مرا وہ میرے لفظ کے دونوں سروں سے واقف ہے کبھی بھی کام نہ آیا کوئی بہانہ مرا
दबा पड़ा है कहीं दश्त में ख़ज़ाना मिरा तू किस तलाश में है शहर में दिवाना मिरा तमाम रात है आँखों से आँसुओं की कशीद तमाम रात खुला है शराब-ख़ाना मिरा ये मेरी रूह का झगड़ा था आसमाँ के साथ बिला-क़ुसूर बदन बन गया निशाना मिरा फ़लक के सर पे पड़े हैं मेरी ज़मीन के पाँव मिरे सिरहाने से ऊँचा है पाइताना मिरा मैं एक ज़ख़्म बराबर ज़मीं पे रहता हूँ वो कह रहे हैं ये क़ब्ज़ा है गासिबाना मिरा तो आओ अहल-ए-जहाँ इस पे फ़ैसला कर लें मकान सारा तुम्हारा दरून-ए-ख़ाना मिरा ख़ुद अपने आप में है सारी मेरी आमद-ओ-रफ़्त कहीं से आना न अब है कहीं भी जाना मिरा कहाँ का 'इश्क़ हवस तक भी हो नहीं सकती यही रहेगा जो अंदाज़ मुजरिमाना मिरा बिखेरनी है जिसे ज़ुल्फ़ उस का इस्तिक़बाल वबाल-ए-शहर से ख़ाली है एक शाना मिरा मैं ख़ूब फ़ाक़ा न करता तो मर गया होता मिरे ख़िलाफ़ सफ़-आरा था आब-ओ-दाना मिरा कभी ख़ुदा कभी इंसान राह में हाइल ख़ुद अपने आप से रिश्ता भी ग़ाएबाना मिरा कहीं मिरे किसी लम्हे से फिर हुई कोई चूक फिर आते आते कहीं रह गया ज़माना मिरा तिरे ग़याब की ख़िदमत में सारा मेरा क़ुसूर वुजूद फिर भी वही ग़ैर-हाज़िराना मिरा वो मेरे लफ़्ज़ के दोनों सुरों से वाक़िफ़ है कभी भी काम न आया कोई बहाना मिरा
