ek barsaat dhyaan mein aai — Bhaskar Shukla

"muskuraane se kahaan jaataa hai dukh yuun chhupaane se kahaan jaataa hai dukh aur bhar jaataa hai siine mein dhuaan ji jalaane se kahaan jaataa hai dukh dukh ke aane se chale jaate hain sukh sukh ke aane se kahaan jaataa hai dukh us ke shaane se lagaa to yuun lagaa us ke shaane se kahaan jaataa hai dukh 'bhaaskar' kaa dil baDaa mahfuz hai is Thikaane se kahaan jaataa hai dukh"

"teri tasvir jo dekhi to khayaal aayaa hai meri ghazlon mein kahaan se ye kamaal aayaa hai teri aamad se bahaar aai hai viraane mein teri aankhon se manaazir mein jamaal aayaa hai maut aai hai ki niind aai hai kuchh lamhon ko aap aae hain ki phir khvaab-e-visaal aayaa hai ek lamhe ko nigah un ki hui thi mujh par yaad ik lamha mujhe saal-haa-saal aayaa hai tere hisse mein kisi aur kaa aayaa hai gulaal mere hisse mein kisi aur kaa gaal aayaa hai ab tiraa qurb bhi darkaar nahin hai mujh ko ab kahin jaa ke mohabbat kaa maaal aayaa hai raah duniyaa ki dikhaai hui chhoD aayaa hai dil khvaab manzil ke sar-e-raah uchhaal aayaa hai ab koi khauf nahin hai ki tiri galiyon mein 'bhaaskar' aakhiri Dar ko bhi nikaal aayaa hai"

"kuchh roz dil-o-zehn pe taari to rahegi dekhi hain vo aankhein so khumaari to rahegi zinda na rahungaa main tire baa'd ye tai hai saanson ki mashaqqat vale jaari to rahegi chal paao agar is ko uThaa kar to uThaao gaThri hai miyaan 'ishq ki bhaari to rahegi us kaa baDaa ehsaan hai takhayyul pe hamaare kitne bhi kahein she'r udhaari to rahegi yaaraana magar pahle saa mumkin nahin hogaa kahne ke liye aap se yaari to rahegi naam aur kahin 'bhaaskar' aae ki na aae par us ke divaanon mein shumaari to rahegi"

"chaand punam kaa udaasi raat ki der tak khaamoshiyon ne baat ki vo na aayaa yaad us ki aa gai shab basar ham ne usi ke saath ki moD laae jaanib-e-sahraa-e-zabt aankh se bahti nadi jazbaat ki khushk aankhon mein agar tum paDh sako daastaanein hain kai barsaat ki aaegi ummid ki koi kiran khiDkiyaan to khol imkaanaat ki haal-e-dil kyunkar bayaan ho 'bhaaskar' 'ishq mein kaisi khabar haalaat ki"

"darakhton se nadi se panchhiyon se dosti hai miri ik 'umr se in jangalon se dosti hai kahin jaaun mujhe le jaaeinge teri taraf hi so tere shahr ke sab raaston se dosti hai tire gham kaa asar aisaa huaa dil par hamaare hamaari ab jahaan bhar ke ghamon se dosti hai bharosa kyaa karein un doston ki dosti kaa bhali jin ki hamaare dushmanon se dosti hai hamaari dosti ke darmiyaan kuchh bhi na aayaa hamaari dosti bas muddaton se dosti hai agar aasaaniyaan hain to zaraa mushkil rahegi nahin Dar mushkilon kaa mushkilon se dosti hai zamaane ki zarurat hi kahaan hai 'bhaaskar' ko vo 'aashiq hai aur us ki 'aashiqon se dosti hai"

"chumne ko paa-e-naazuk yaar ke bichh gae hain phuul harsingaar ke bas qadam paD jaaein gar sarkaar ke bhaag khul jaaein dar-o-divaar ke kaam ho jaae miri binaai kaa jog ban jaaein tire didaar ke teri aamad kaa idhar charchaa huaa phuul udhar mahnge hue baazaar ke Tuk nazar kar is taraf bhi ai tabib zakhm bhar jaaein tire bimaar ke aarzu to hai tire iqraar ki muntazir bhi hain tire inkaar ke 'mir' si ghazlein kahein par 'bhaaskar' dukh kahaan se laaein us me'yaar ke"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"