kabhi to harf-e-duaa yuun zabaan talak aae — Fasihullah Naqeeb

"hain mizaaj aasmaan pe jis-tis ke naaz uThaaein bhi ham to kis kis ke bijliyon ke sunahri harfon mein baadalon par hain dastakhat kis ke aankh se gar chhalak nahin paate dil pe girte hain ashk ris ris ke jaane kab hove dida-var paidaa diide pathraa gae hain nargis ke paanv chaadar mein rah na paaeinge haath phaile raheinge jis jis ke aarzuon ke sukhte gulban muntazir yaasiyat ki maachis ke kam se kam ghar ko ghar to rahne dein rakhein office ko andar office ke aks-e-dauraan 'naqib' ki ghazlein silsile chand ratb-o-yaabis ke"

"na apni baat na meraa qusur likkhaa thaa shikaayaton se bharaa khat zarur likkhaa thaa rasul aae to dahshat-garon ke biich aae andheri raat ki qismat mein nuur likkhaa thaa main chaahtaa bhi jo milnaa to un se kyaa miltaa jabin pe duur se dekhaa ghurur likkhaa thaa vo ghar ki jis mein kisi ko kisi se uns nahin baDe se board pe daar-us-surur likkhaa thaa 'naqib' ko thi faqat surkhiyon se dilchaspi jo mudda'aa thaa vo bainassutur likkhaa thaa"

"jaisaa tum chaahoge vaisaa nahin hone vaalaa varna hone ko yahaan kyaa nahin hone vaalaa muqtadir ho to gharibon se jo chaaho le lo izzat-e-nafs kaa saudaa nahin hone vaalaa dil ye kahtaa hai kisi ko bhi na laa khaatir mein aql kahti hai ki achchhaa nahin hone vaalaa amn parchaar talak Thiik sahi lekin amn tum ko lagtaa hai ki hogaa nahin hone vaalaa zar ke mizaan mein har shakhs ko kyaa tolte ho har bashar to sag-e-duniyaa nahin hone vaalaa meraa chehra hai mire qalb kaa akkaas 'naqib' meraa chehra tiraa chehra nahin hone vaalaa"

"junhi lab kholtaa hai vo to jaadu baandhtaa hai hasin alfaaz ke pairon mein ghunghru baandhtaa hai andheri shab ke daaman mein damakte hain sitaare khayaal-e-yaar jab palkon pe jugnu baandhtaa hai miri parvaaz ko mashrut kar ke nek sayyaad qafas gar khol detaa hai to baazu baandhtaa hai sulagtaa khaultaa maahaul aur khushki ghazal ki ki dil ik aas kaa chhappar lab-e-ju baandhtaa hai 'naqib' ashaar apne zindagaani ke safar mein koi zaad-e-safar mein jaise sattu baandhtaa hai"

"khair se hoti rahi raah-numaai kyaa kyaa varna aa jaati bashar mein kaj-adaai kyaa kyaa mo'atabar kaise kahein tu ne uDaai kyaa kyaa ai nazar tujh ko ye duniyaa nazar aai kyaa kyaa be-rukhi thi vale bargashtagi aisi to na thi kyaa khabar kis ne vahaan jaa ke lagaai kyaa kyaa dil ne taslim kiyaa kab ki yaqin aa jaataa us ne ban ban ke magar baat banaai kyaa kyaa aql hushyaar thi dhire se diyaa haath dabaa kyaa kahun varna mire dil mein samaai kyaa kyaa kaise ehsaan kiye jaaein sakhaavat kaise chhoD kar naqsh gae haatim-e-taai kyaa kyaa main na haabil na yusuf na main Tiipu sultaan chaahte hain mire haq mein mire bhaai kyaa kyaa vo to bohtaan lagaane ke liye baiThe hain dil miyaan bhaai miraa degaa safaai kyaa kyaa Daal kar aankhon mein aankhein jo kahaa pahchaanaa us ne phir mujh se 'naqib' aankh churaai kyaa kyaa"

"huzur mil ke aap se main aaj muskuraa diyaa tabassum aap kaa jo ik udhaar thaa chukaa diyaa bajaa ki sar-kashi ghalat qubul inkisaar bhi magar ye kyaa ki har kisi ke aage sar jhukaa diyaa main sakhtiyon mein ji gayaa main talkhiyon ko pi gayaa magar kisi ne pyaar se sadaa jo di rulaa diyaa na Dar mire khamir mein na shar mire zamir mein tamaam zaalimon ke naam main ne khat khulaa diyaa jo ham-zabaan na mil sakaa to phir ghazal 'naqib' kyaa ki jaise andhe aadmi ke haath aaina diyaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"