kuchh to is dil ko sazaa di jaae — Mohammad Alvi

"raat bhar pi ke laDkhaDaate raho subh masjid mein sar jhukaate raho toD Daalo tilism-e-bu-e-gul mausam-e-gul mein khaak uDaate raho mahl taa'mir kar lo dariyaa mein ret mein kashtiyaan chalaate raho hijr ki shab guzar hi jaaegi taaza filmon ke giit gaate raho phuns mein aag dhar ke haT jaao chain ki baansuri bajaate raho mat Daro nanhe-munne olon se be-dhaDak apnaa sar munDaate raho sab raqibon se dosti kar lo man-ghaDat vasl ki sunaate raho ab bhi milte hain gaanTh ke puure DhunDh lo aur udhaar khaate raho naam rakh lo khalil khaan apnaa aur phir faakhta uDaate raho log maghlub ho hi jaaeinge she'r ghaalib ke gungunaate raho ham bhi ustaad hain suno 'alvi' apni ghazlein hamein dikhaate raho"

"bujhe bujhe baahar rahte hain ghar mein aa kar mar rahte hain khvaabon kaa ik shahr hai jis mein tarah tarah ke Dar rahte hain ek zaraa saa dil hai apnaa log is mein kyun-kar rahte hain ik jaise din raat hain phir bhi roz nae chakkar rahte hain aap agar milnaa chaahein to shaam ko 'alvi' ghar rahte hain"

"abhi to aur bhi din baarishon ke aane the karishme saare use aaj hi dikhaane the hiqaaratein hi milin ham ko zang-aaluda dilon mein yuun to kai qism ke khazaane the ye dasht tel kaa pyaasaa na thaa khudaa-vandaa yahaan to chaar chhe dariyaa tujhe bahaane the kisi se koi ta'alluq rahaa na ho jaise kuchh is tarah se guzarte hue zamaane the parinde duur fazaaon mein kho gae 'alvi ujaaD ujaaD darakhton pe aashiyaane the"

"chaak kar lo agar girebaan hai dosto mausam-e-bahaaraan hai dil hai pyaasaa husain ke maanind ye badan karbalaa kaa maidaan hai kitnaa mushkil hai zindagi karnaa aur na socho to kitnaa aasaan hai san chhihattar se mil lo ji bhar ke ji liye kaise aql hairaan hai"

"ik ik kar ke sab jaate hain kyaa jaane ham kab jaate hain tanhaai ke bojh tale ham raat aae to dab jaate hain vo to aur kahin hotaa hai us ke ghar ham jab jaate hain kahne sunne ko ab kyaa hai bhaai mire ham ab jaate hain aisaa kyon hotaa hai 'alvi din kyon be-matlab jaate hain"

"binaa murghe ke par jhaTakti hain murghiyaan dar-ba-dar bhaTakti hain nazm itraae to bajaa bhi hai bi ghazal kis liye maTakti hain ek haasid ki ek naaqid ki sar pe talvaarein do laTakti hain ye bhi shaaer hain in ke baalon mein fikr-o-fan ki juein bhaTakti hain 'alvi' ye goliyaan hain shohrat ki ye gale mein kahaan aTakti hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"