Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Anjali Singh
kaun saanson ko roktaa meri
ruuh tak ab hai laapata meri
main bhi us kaa khayaal kar leti
vo agar baat maantaa meri
· · ·
Anjali Singh
dil ke andar utar gayaa koi
zakhm chupke se bhar gayaa koi
yaad aai thi kal ghazal ban ke
Diary mein utar gayaa koi
· · ·
Anjali Singh
bojh lagti hai zindagi mujh ko
ab to pyaari hai khud-kushi mujh ko
yaad aai agar tiri mujh ko
thaam legi ye shaaeri mujh ko
· · ·
Anjali Singh
zid pe aDne mein der kyaa lagti
us ko paane mein der kyaa lagti
ek kirdaar thaa kahaani mein
khatm hone mein der kyaa lagti
· · ·
Anjali Singh
har taraf ye hi tamaasha chal rahaa hai
ishq mein jhuTaa dikhaavaa chal rahaa hai
ishq mein to ishq chalnaa chaahiye thaa
yaar kyon jhagDaa hamaaraa chal rahaa hai
· · ·
Anjali Singh
abhi vo raabta TuuTaa nahin hai
musalsal haal jo puchhaa nahin hai
bataa duun ziist us ki fikr mein hi
magar afsos vo rishta nahin hai
· · ·
Anjali Singh
vaaqai ik udaas laDki hai
zindagi ik udaas laDki hai
koi kaandhe pe is kaa sar rakh le
ro rahi ik udaas laDki hai
· · ·
Anjali Singh
tere jaane ke baad kaisaa hai
dil mein itnaa fasaad kaisaa hai
aaiye dekhiye hamaaraa dil
TuuT jaane ke baad kaisaa hai
· · ·