Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Aulad Ali Rizvi
ghuTi ghuTi si fazaa mein shaguftagi to mili
chaman mein shukr hai hansti koi kali to mili
balaa se barq giri mere aashiyaane par
andheri raat ke rahrav ko raushni to mili
· · ·
Aulad Ali Rizvi
gah mashq-e-sitam gaah-e-karam yaad kareinge
jab tak bhi jiyeinge tumhein ham yaad kareinge
jab zikr chhiDegaa kahin arbaab-e-vafaa kaa
apne dil-e-marhum ko ham yaad kareinge
· · ·
Aulad Ali Rizvi
ubharte chaand sitaaron kaa tazkira bhi karo
khizaan ke saath bahaaron kaa tazkira bhi karo
gulon ki chhaanv mein aaraam karne vaalo kabhi
hamaari raah ke khaaron kaa tazkira bhi karo
· · ·
Aulad Ali Rizvi
jahaan nifaaq ke shoale milein bujhaa ke chalo
charaagh amn-o-mohabbat kaa tum jalaa ke chalo
tumhaare baad bhi aaeinge qaafile yaaro
milein jo raah mein kaanTe unhein haTaa ke chalo
· · ·
Aulad Ali Rizvi
khadshe the shaam-e-hijr ke subh-e-khushi ke saath
taarikiyaan bhi paai gaiin raushni ke saath
jaari hai subh-o-shaam jafaaon kaa silsila
kitnaa hai un ko rabt miri zindagi ke saath
· · ·
Aulad Ali Rizvi
shikasta-dil ki khushi dosto khushi to na thi
hansi pe vaqt ke ik tanz thaa hansi to na thi
tamaam umr jise raushni samajhte rahe
fareb-e-chashm-e-tamannaa thaa raushni to na thi
· · ·
Aulad Ali Rizvi
na puchho kaise shab-e-intizaar guzri hai
bhalaa ho dil kaa bahut be-qaraar guzri hai
hazaar maslihatein jis mein kaar-farmaa hon
vo ik nigaah-e-karam ham pe baar guzri hai
· · ·
Aulad Ali Rizvi
naav tufaan mein jab zer-o-zabar hoti hai
naakhudaa par kabhi maujon pe nazar hoti hai
duur hai manzil-e-maqsud safar hai darpesh
sone vaalon ko jagaa do ki sahar hoti hai
· · ·
Aulad Ali Rizvi
na jis kaa koi sahaaraa ho vo kidhar jaae
na aae maut to be-maut kaise mar jaae
main is khayaal se un se gilaa nahin kartaa
kahin na phuul se chehre kaa rang utar jaae
· · ·