Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Ayaz Rasool Nazki
andheri raat nauhe gaa rahi hai
khamoshi shahr bhar mein chhaa rahi hai
zamin par khuun itnaa bah gayaa hai
havaaon mein bhi khushbu aa rahi hai
· · ·
Ayaz Rasool Nazki
ishq mein koi hamsari kartaa
ham ko ilzaam se bari kartaa
ek botal mein vo samaa jaati
us ko jaadu se main pari kartaa
· · ·
Ayaz Rasool Nazki
hijr thaa yaa visaal kis kaa thaa
khvaab thaa yaa khayaal kis kaa thaa
saamne vo hamaare baiThe the
dil mein un ke khayaal kis kaa thaa
· · ·
Ayaz Rasool Nazki
miri maan ne mujh ko janam jab diyaa thaa
main laashon ke ambaar par jaa giraa thaa
jahaan par tumhaari ridaa chhin gai thi
vahin par hamaaraa bhi baazu kaTaa thaa
· · ·
Ayaz Rasool Nazki
aas mein kaaTe biis baras aur yaas mein kaaTe biis baras
kuchh na puchho ham ne kaise kaaTe hain chaalis baras
jis ne ham ko ishq sikhaayaa jis se samjhe saare gur
us ki umr thi sola satrah apni thi ikkis baras
· · ·
Ayaz Rasool Nazki
siipi saada munh jab khole kirnon ki tab baarish ho
moti ki do maalaaein aur un par chamke gangaa jal
kaali laT hai naagin jaisi kaan ki lohe us kaa phan
us ki nazron mein dhokaa hai us ki baaton mein hai chhal
· · ·
Ayaz Rasool Nazki
chaDhtaa dariyaa utar gayaa main bhi
sar se paani guzar gayaa main bhi
raat ki to fasil unchi thi
paar kaise utar gayaa main bhi
· · ·
Ayaz Rasool Nazki
jahaan ham tumhaari panaahon mein the
vahaan sabz saae bhi raahon mein the
miyaan dhuul aankhon mein jhonki gai
kai log meri nigaahon mein the
· · ·
Ayaz Rasool Nazki
an-ginat peD the peDon pe jhukaa thaa baadal
mere bachpan mein yahaan par thaa ghanaa saa jangal
god mein maan ki paDaa rahtaa kahaani suntaa
koi totaa kisi mainaa ke lagaataa kaajal
· · ·
Ayaz Rasool Nazki
yahaan to shahr se divaar-o-dar hi ghaaeb hain
chhaton ke baad makaanon ko le uDi hai havaa
tamaam shahr thaa saDkon pe aaj raat gae
sunaa hai phir se javaanon ko le uDi hai havaa
· · ·
Ayaz Rasool Nazki
shab-e-firaaq mein mire vo baal-o-par katar gayaa
parind us ki yaad kaa nai uDaan bhar gayaa
yahaan pe khuun bah gayaa vahaan pe laash gir paDi
na jaane kaun shakhs thaa safar tamaam kar gayaa
· · ·
Ayaz Rasool Nazki
TukDe TukDe jab baT jaaun shaam gae
din kaa saaraa qarz chukaaun shaam gae
ghar se chalte main ne aksar sochaa hai
shaayad hi main luuT ke aauun shaam gae
· · ·
Ayaz Rasool Nazki
bhikshu se khvaahishaat kaa ban maangti rahi
kashkol-e-tan mein 'umr tapan maangti rahi
sargoshiyaan suni thiin dar-o-baam ne yahaan
khaali thi chaarpaai badan maangti rahi
· · ·
Ayaz Rasool Nazki
chhatein uDi hain daraaDein paDein makaanon mein
sitam ki ghaas ugi hai nigaar khaanon mein
lahu lahu thaa badan us kaa haath TuuTe the
hinaa hinaa vo pukaari thi aastaanon mein
· · ·