Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Baloch Mehfooz Khan
dil mein jo baat hai vo baat bataaun kaise
dil ke jazbaat sunaaun to sunaaun kaise
dil ke TukDe hue is tarh ke aaina ho
dil ke TukDon ko ginaaun to ginaaun kaise
· · ·
Baloch Mehfooz Khan
zindagi se mujhe chhuDaa bhi de
chain ki niind ab sulaa bhi de
thak gayaa huun musibaton se main
haan mujhe ab kafan uDhaa bhi de
· · ·
Baloch Mehfooz Khan
aansu bahaa ke dekh chukaa kuchh huaa nahin
khud ko miTaa ke dekh liyaa kuchh milaa nahin
taa'mir-e-zindagi ke liye kyaa nahin kiyaa
phir bhi ye e'tiraaz ki kuchh bhi kiyaa nahin
· · ·
Baloch Mehfooz Khan
ruuh par zulm Dhaa rahaa huun main
aur sab se chhupaa rahaa huun main
pyaas mein zahr pi rahaa huun main
bhuuk mein zakhm khaa rahaa huun main
· · ·
Baloch Mehfooz Khan
ab kisi se khafaa nahin huun main
mar chukaa huun miTaa nahin huun main
jo nahin huun vahi dikhaa huun main
aur jo huun dikhaa nahin huun main
· · ·
Baloch Mehfooz Khan
maut achchhi ki zindagi achchhi
jo khushi se mile vahi achchhi
faaeda ho usi se matlab rakh
chaand ko chhoD chaandni achchhi
· · ·
Baloch Mehfooz Khan
kisi se pyaar jataanaa mujhe nahin aataa
kisi se aankh milaanaa mujhe nahin aataa
tamaam 'umr nibhaataa rahaa khudi se hi
kisi kaa saath nibhaanaa mujhe nahin aataa
· · ·
Baloch Mehfooz Khan
ai maut tu kahaan hai tiraa intizaar hai
milne ko tujh se dil ye miraa be-qaraar hai
duniyaa ko mujh se aaj bhi hai sakht dushmani
ik main huun jis ko aaj bhi duniyaa se pyaar hai
· · ·
Baloch Mehfooz Khan
mujhe muflisi ne banaayaa hai shaa'ir
miri shaa'iri hai shikaayat kaa paikar
jie muflisi mein mare muflisi mein
kafan bhi jo pahnaa to maqruz ho kar
· · ·
Baloch Mehfooz Khan
main huun khaamosh yaar ke aage
dil hai majbur pyaar ke aage
main to bas Dher ho gayaa dilbar
teri aankhon ke vaar ke aage
· · ·