Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Chander Wahid
ehsaas pe bojhal kuchh sadmaat kaa qissa hai
gham sirf takhayyul ke lamhaat kaa qissa hai
shaayad main nahin kuchh bhi shaayad main bahut kuchh huun
kyaa jaane miraa jivan kis baat kaa qissa hai
· · ·
Chander Wahid
surat utar na jaae kahin maahtaab ki
kah do ki baat jhuuT hai un ke shabaab ki
shaam-e-visaal sej pe sharmaae juun dulhan
sharmaai yuun hain shaakh pe kaliyaan gulaab ki
· · ·
Chander Wahid
din Dhalaa baDhne lagin parchhaaiyaan
phir vahi gham phir vahi tanhaaiyaan
jhilmilaae jaise lahron par kiran
aas leti dil mein yuun angDaaiyaan
· · ·
Chander Wahid
meri raahon mein tire naqsh-e-qadam rahne de
mujh pe lillaah mahz itnaa karam rahne de
TuuTe dipak ko haTaa mat tu mire aage se
meri nazron ko ujaale kaa bharam rahne de
· · ·
Chander Wahid
mujh pe mizraab to hai saaz kahaan se laaun
dil mein ghar karne ke andaaz kahaan se laaun
mere giton mein bhi pur-kaif kashish hai lekin
ho asar jis mein vo aavaaz kahaan se laaun
· · ·
Chander Wahid
ab to khvaabon ke hi sahaare hain
ye hi le de ke ab hamaare hain
apnaa saaya talak na thaa apnaa
ham ne aise bhi din guzaare hain
· · ·
Chander Wahid
yaadon kaa dard dil mein hai kuchh yuun ubhaar par
jaise ugaa huun nanhaa saa paudaa mazaar par
palkon pe un ki Thahre hain aansu kuchh is tarah
aa baiThein jaise zakhmi parinde dvaar par
· · ·
Chander Wahid
baazaar-e-jihaalat mein sukhan bech rahaa huun
ye giit ye naghmaat ye fan bech rahaa huun
hai koi kharidaar to aavaaz lagaae
roTi ke evaz sher-o-sukhan bech rahaa huun
· · ·
Chander Wahid
vo dekhne mein faqat raaste kaa patthar hai
hazaar raahbaron se magar vo behtar hai
samay kumhaar hai jo chaak par nachaataa hai
ye zindagi to suraahi kaa naachnaa bhar hai
· · ·
Chander Wahid
lamha vo teri yaad kaa aise guzar gayaa
jaise ki phuul shaakh se TuuTaa bikhar gayaa
kal chhaanv mil sakegi sabhi ko ye soch kar
jis ne lagaae peD vo buDhaa kidhar gayaa
· · ·