Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Jalee Amrohvi
basti basti kucha kucha shahr ko laala-faam kiyaa
dekho to in ahl-e-havas ne kaisaa qatl-e-aam kiyaa
ham to jahaan ke sultaanon se behtar us ko jaane hain
jis ne rukhi sukhi khaa kar gudDi mein aaraam kiyaa
· · ·
Jalee Amrohvi
vahshaton mein 'ishq ki vo shaana farmaaeinge kyaa
zindagi uljhi hui hai baal suljhaaeinge kyaa
khud hi tum socho jo duniyaa mein asir-e-zaat hain
vo dukhon ki bhiiD mein aaraam pahunchaaeinge kyaa
· · ·
Jalee Amrohvi
donon aalam se ayaan thaa mujhe maalum na thaa
tu hi to jalva-kunaan thaa mujhe maalum na thaa
qalb-e-muztar mein mire mehr-o-vafaa ki surat
nuur kaa ek jahaan thaa mujhe maalum na thaa
· · ·
Jalee Amrohvi
dil hai vaabasta miraa hasrat-e-naakaam ke saath
taaza ho jaate hain sab zakhm tire naam ke saath
us ne har halq-e-tamannaa pe chalaayaa khanjar
yuun hai paikaar miri gardish-e-ayyaam ke saath
· · ·
Jalee Amrohvi
itnaa pur-josh mere dard kaa dhaaraa to na thaa
kyaa pas-e-parda kahin qurb tumhaaraa to na thaa
tum ne alqaab badal kar mujhe maktub likhaa
us taghayyur mein kahin talkh ishaaraa to na thaa
· · ·
Jalee Amrohvi
vahm-o-gumaan ne aas bandhaai tamaam raat
aahaT khiraam-e-naaz ki aai tamaam raat
majbur ho ke main ne mohabbat ki chhaanv mein
taaron ko dil ki baat sunaai tamaam raat
· · ·
Jalee Amrohvi
nafs se jo laDaa nahin karte
ruuh par vo jilaa nahin karte
kyuun na ho phir fasaad duniyaa mein
log khauf-e-khudaa nahin karte
· · ·
Jalee Amrohvi
dast-e-naazuk se jo parde ko sanvaaraa tum ne
main ye samjhaa ki navaazish se pukaaraa tum ne
kyaa haqiqat mein gham-e-ishq se maanus hue
yaa yuun hi puchh liyaa haal hamaaraa tum ne
· · ·
Jalee Amrohvi
chhup gayaa suraj ye kah kar shaam se
le sabaq duniyaa mire anjaam se
ruuh ko ham ne hazaaron dukh diye
nafs ko rakkhaa baDe aaraam se
· · ·